Старшыня Шклоўскага райвыканкама Сяргей БАРТАШ расказаў журналістам аб перспектыўных кірунках развіцця сельскай гаспадаркі ў Шклоўскім раёне.

«Прэзідэнт абазначыў, што Шклоўскі раён павінен быць паказальным: мець сваю перапрацоўку, сваю вытворчасць камбікармоў і аднавіць той райаграсэрвіс, які быў раней», — адзначыў ён.

Так рэканструкцыя камбікормавага завода ўключае капітальны рамонт будынкаў, замену вялікай часткі абсталявання. «Гэта работа ўжо знаходзіцца на стадыі завяршэння. На сённяшні дзень мы гатовы прымаць збожжа, як сухое, так і непасрэдна з палёў», — адзначыў ён.

У раёне вырабляецца дастатковая колькасць малака, яго неабходна перапрацоўваць і вырабляць прадукцыю, запатрабаваную на ўнутраным і знешнім рынках. «Да канца наступнага года мы ўвядзём у строй новы малакаперапрацоўчы завод, — паведаміў Сяргей Барташ. — Аднаўленне райаграсэрвісу дасць магчымасць рамантаваць тэхніку ў зімовы перыяд. Асабліва гэта датычыцца складанай тэхнікі, якая патрабуе ведаў кваліфікаваных спецыялістаў».

Па словах старшыні Шклоўскага райвыканкама, тэмп зададзены па ўсіх кірунках, у тэрміны раён укладваецца. «І, безумоўна, вышэйназваныя аб’екты сфарміруюць базу для стварэння прыкладу для іншых рэгіёнаў», — падсумаваў ён.

Паводле БелТА.