У фінал турніру ў змешаных сінхронных скачках Яршова і Яскевіч заходзілі ў статусе фаварытаў, выйграўшы кваліфікацыйныя і паўфінальныя спаборніцтвы. У вырашальным старце 7 лістапада нашы батутысты пацвердзілі статус — Кацярына і Станіслаў набралі 52,760 бала і занялі першае месца.

У мінулым годзе беларусы сталі першымі ў гісторыі чэмпіёнамі свету ў гэтым відзе праграмы. Серабро ў Нанкіне дасталося Сельджан і Магсуду Магсудавым з Азербайджана (52,010), тройку замкнулі японцы Хікару Моры і Юсеі Мацумота (51,490).

Раней 7 лістапада прайшлі паўфіналы ў індывідуальных скачках, па выніках якіх барацьбу за медалі ў нядзелю прадоўжаць нашы Іван Літвіновіч, Андрэй Буйлоў і Віялета Бардзілоўская. Па-за асабістымі фіналамі засталіся Яскевіч, Яршова і Яна Лебедзева.

Далей у суботу вызначацца прызёры мужчынскага і жаночага камандных турніраў. Усяго планетарны форум па скачках на батуце, акрабатычнай дарожцы і двайным міні-трампе сабраў у Нанкіне каля 400 спартсменаў з 41 краіны.