«З мэтай павышэння якасці паслуг, што аказваюцца пасажырам, умацавання транспартных сувязяў паміж сталіцай Беларусі і гарадамі-спадарожнікамі БЧ з 31 сакавіка аднавіла рух яшчэ 14 цягнікоў гарадскіх ліній па маршруце Мінск — Беларусь — Мінск замест цягнікоў, якія раней курсіравалі саставамі серыі ЭР9», — расказалі ў БЧ.

Па маршруце ў студзені бягучага года ўжо аднавілі рух 14 цягнікоў гарадскіх ліній серыі ЭЦГ. Усяго паміж Мінскам і Заслаўем з 31 сакавіка курсіруюць 28 цягнікоў гарадскіх ліній. 

«Беларуская магістраль працягне прымаць меры па далейшым задзейнічанні наяўнага маторвагоннага рухомага саставу названай серыі для абслугоўвання цягнікамі гарадскіх ліній сацыяльна значных напрамкаў, у тым ліку якія злучаюць сталіцу Беларусі з гарадамі-спадарожнікамі», — дадалі ў прэс-цэнтры. 

Больш падрабязную інфармацыю аб графіку руху цягнікоў можна атрымаць на афіцыйным інтэрнэт-сайце Беларускай чыгункі, у мабільным дадатку «БЧ. Мой цягнік», а таксама па тэлефоне 105 кантакт-цэнтра БЧ.