Універсітэт наведаў прарэктар па навуковай рабоце і інавацыях Дзяржаўнага інстытута мастацтваў і культуры Узбекістана Бахціёр Якубаў.

Галоўным вынікам сустрэчы стала падпісанне дагавора аб супрацоўніцтве. Новы дакумент адкрывае магчымасці для рэалізацыі маладзёжных ініцыятыў: сумесных навуковых канферэнцый, студэнцкіх тэатральных фестываляў і міжкультурных праектаў.

Для замежнага госця правялі азнаямленчую экскурсію: Бахціёр Якубаў агледзеў музейную экспазіцыю ўніверсітэта, наведаў практычны занятак на кафедры харэаграфіі і ацаніў магчымасці шматфункцыянальнага спартыўна-культурнага цэнтра БДУКМ.