Праграма праекта ўключае правядзенне ў час асенніх школьных канікулаў з 2 па 6 лістапада лекцыйных і практычных заняткаў, майстар-класаў, воркшопаў, паказаў і экскурсій. Абітурыенты змогуць паразмаўляць з выкладчыкамі, студэнтамі і супрацоўнікамі ўніверсітэта, атрымаць кансультацыі па пытаннях паступлення і здачы ўнутранага экзамену па дысцыпліне «творчасць».

Праграма секцыі факультэта культуралогіі і сацыяльна-культурнай дзейнасці «Акадэмія СКД» уключае цыкл адкрытых урокаў па профільных дысцыплінах. Вучэбныя заняткі будуць весці студэнты і выкладчыкі кафедры педагогікі сацыяльна-культурнай дзейнасці. Яны падзеляцца вопытам і ведамі па інфармацыйна-дыскусійнай дзейнасці, сцэнічнай мове і сцэнарным майстэрстве, рэжысуры і майстэрстве вядзення культурна-забаўляльных праграм (КЗП), кантэнт-афармленні КЗП і музыкатэрапіі. Акрамя вучэбна-практычных заняткаў, для абітурыентаў будуць арганізаваны экскурсіі па ўніверсітэце (наведванне вучэбных аўдыторый, творчых лабараторый, рэпетыцыйных залаў і сцэнічных пляцовак), творчыя майстар-класы, паказы гульнявых і дыскусійных праграм, распрацаваных і праведзеных студэнтамі БДУКМ, інфармацыйны час «Знаёмства з кітайскай культурай».

Секцыя факультэта інфармацыйна-дакументных камунікацый «Стань студэнтам ФІДК» пазнаёміць удзельнікаў з кірункамі падрыхтоўкі ў сферы бібліятэчна-інфармацыйнай дзейнасці, музейнай справы і гісторыка-культурнай спадчыны.

Прафарыентацыйны дзень пачнецца з экскурсіі па ўніверсітэце і наведвання музейнай экспазіцыі «Скарбы мастацтва: сувязь часоў». Таксама пройдуць майстар-класы «Аўтэнтычныя крыніцы і падробкі» і «Кніга шукае чытача: сакрэты яркага афармлення» (буккросінг). У канцы пройдзе воркшоп па стварэнні лічбавых прадуктаў у бібліятэчнай сферы.

На секцыі факультэта мастацкай культуры «Стань студэнтам ФМК» абітурыенты змогуць наведаць заняткі студэнтаў універсітэта. У праграме таксама заняткі па жывапісе і паказ рэстаўрацыйных работ.

Для ўдзельнікаў секцыі факультэта музычнага і харэаграфічнага мастацтва «Стань студэнтам ФМХМ» прафарыентацыйны дзень будзе практычным знаёмствам з творчай дзейнасцю. Абітурыенты змогуць даведацца пра спецыфіку выканальніцкага майстэрства і асаблівасці харэаграфічнай выразнасці.

Каб прыняць удзел у праекце, неабходна падаць заяўку і папярэдне запісацца, паколькі колькасць месцаў абмежавана. Даслаць заяўку можна на адрас электроннай пошты pk@buk.by або прынесці з сабой у дзень мерапрыемства. Запіс па нумары тэлефона: +375 17 350 71 66. Непаўналетнія ўдзельнікі праекта запаўняюць заяўку разам з бацькамі.

Расклад праграм і іншую дадатковую інфармацыю можна знайсці на сайце БДУКМ.