«Усе праекты, у тым ліку праекты па арганізацыі зборачных вытворчасцяў на тэрыторыі Зімбабвэ, ужо ў стадыі рэалізацыі. Да 2027 года мы плануем арганізаваць вытворчасць трактарнай тэхнікі і крыху пазней — грузавой і пасажырскай тэхнікі», — расказаў Аляксандр Яфімаў.

Паводле яго слоў, сумесна вырабленая прадукцыя можа пастаўляцца не толькі на ўнутраны рынак Зімбабвэ, але ў перспектыве і ў суседнія краіны. «Перавага нашага супрацоўніцтва, якое мы прапануем нашым партнёрам, заключаецца ў тым, што мы навучаем спецыялістаў і абслугоўванню тэхнікі, калі гэта продаж гатовых вырабаў, і зборачным аперацыям, іншым прамысловым і тэхналагічным аперацыям. Нашы спецыялісты гатовыя да доўгіх выездаў для якаснай перадачы кампетэнцый нашым партнёрам», — заявіў кіраўнік Мінпрама. 

У цэлым супрацоўніцтва з Зімбабвэ міністр прамысловасці ацаніў як стратэгічнае. «Зімбабвэ па стратэгіі дыверсіфікацыі экспарту і развіцця экспартных паставак вызначана як адна з ключавых краін на афрыканскім кантыненце. У нас там даволі шмат планаў, і мы іх рэалізуем досыць паспяхова», — адзначыў ён.