«Гаворачы аб дзіцячай анкалогіі, неабходна сказаць, што сапраўды актуальнасць абумоўлена перш за ўсё тым, што, вяртаючы жыцці дзяцей, мы даём нашай дзяржаве і эканоміцы людзей з актыўнай жыццёвай пазіцыяй, якія будуць мець больш за 50 гадоў актыўнага жыцця і прыносіць карысць нашай дзяржаве», — падкрэсліла Анжаліка Солнцава. 

Яна таксама адзначыла, што РНПЦ ёсць пра што расказаць і чым падзяліцца з замежнымі калегамі.

Дырэктар цэнтра прывяла статыстычныя даныя, якія пацвярджаюць лідарскія пазіцыі беларускай медыцыны. «На сённяшні дзень наш цэнтр займае сёмае месца ў сусветным рэйтынгу па індэксе выжывальнасці пры дзіцячым раку найбольш распаўсюджанага дзіцячага анкалагічнага захворвання — вострага лімфабласнага лейкозу», — сказала яна.

Па словах Анжалікі Солнцавай, агульная пяцігадовая выжывальнасць дзяцей складае больш за 85%, а па шэрагу назалогіі (напрыклад, пры вострым лімфабласным лейкозе) гэты паказчык перавышае 90%.

У РНПЦ актыўна развіваюцца новыя напрамкі і інавацыйныя тэхналогіі. «Мы цяпер актыўна ўкараняем і развіваем метад CAR-T-тэрапіі, ДНК-вакцынацыі. Працуем над стварэннем розных клетачных мадэляў па новых відах рэцэптараў CAR-T-тэрапіі. Прычым дадзеныя прадукты могуць прымяняцца не толькі ў галіне дзіцячай анкагематалогіі, але і пры іншых захворваннях, напрыклад, сістэмнай чырвонай ваўчанцы», — расказала кіраўнік цэнтра.

Яна адзначыла, што хоча паглядзець, як наладжаны працэс навучання ўрачоў ва Узбекістане, а таксама як працуюць шпітальныя школы. «Мы зараз гаворым не толькі аб вылечвальнасці пацыентаў, але і аб якасці жыцця. Яна мае на ўвазе любое асяроддзе, у тым ліку і сацыяльнае», — пазначыла Анжаліка Солнцава.