«Трывалым падмуркам падтрымкі двухбаковых узаемавыгадных праектаў з’яўляецца найвышэйшы ўзровень даверу і дыялогу лідараў нашых краін», — сказаў Аляксандр Вальфовіч.

Ён звярнуў увагу, што па выніках мінулага года тавараабарот паміж Беларуссю і КНР дасягнуў гістарычнага максімуму, наблізіўшыся да $10 млрд. «і пры гэтым дэманструе тэндэнцыю росту і ўстойлівасць да знешніх фактараў», — асабліва адзначыў дзяржсакратар.

Паводле яго слоў, Беларусь і Кітай эфектыўна ўзаемадзейнічаюць на міжнародных і рэгіянальных пляцоўках, паслядоўна выступаючы супраць прымянення сілы, супраць пагроз і санкцыйнага ціску ў міжнародных справах, прасоўваючы развіццё поліцэнтрычнага сусветнага парадку. «Беларусь разглядае як своечасовую і важную ініцыятыву Кітая па глабальным кіраванні. У красавіку гэтага года Беларусь далучылася да гэтай ініцыятывы і гатовая да ўсямернага ўзаемадзеяння па яе рэалізацыі. Упэўнены, што гэта паслужыць далейшым умацаваннем партнёрства паміж нашымі краінамі і ўнясе пасільную лепту ў забеспячэнне міжнароднай стабільнасці», — заявіў Аляксандр Вальфовіч.

Ён таксама паведаміў, што 12 мая Прэзідэнтам Беларусі падпісана Дырэктыва «Аб практычным напаўненні ўсепагоднага і ўсебаковага стратэгічнага партнёрства Рэспублікі Беларусь з Кітайскай Народнай Рэспублікай». «Аляксандр Лукашэнка надае вельмі важнае значэнне развіццю стратэгічнага партнёрства з нашымі сябрамі з Кітая», — падкрэсліў дзяржсакратар Савета бяспекі.

Сустрэча з высокапастаўленым прадстаўніком Кітая адбылася на палях Міжнароднага форуму па бяспецы. Раней адбыліся перамовы Аляксандра Вальфовіча з высокімі прадстаўнікамі, якія курыруюць пытанні бяспекі, з Расіі, Саюза М’янма, Пакістана, Анголы, Манголіі і Сербіі.