Камітэт дзяржаўнага кантролю Беларусі і Упраўленне па пытаннях падсправаздачнасці ААЭ падпісалі мемарандум аб узаемаразуменні па развіцці супрацоўніцтва. Аб гэтым БелТА паведамілі ў Камітэце дзяржаўнага кантролю.
Дакумент падпісалі старшыня КДК Васіль Герасімаў і старшыня Упраўлення па пытаннях падсправаздачнасці ААЭ Хумейд Абейд Абушыбс на сустрэчы ў Мінску. Бакі абмеркавалі развіццё двухбаковага партнёрства, абмен вопытам і інфармацыяй. Асаблівую ўвагу ўдзялілі пытанням процідзеяння карупцыі, эканамічным правапарушэнням і лічбавізацыі дзяржаўнага кантролю.
Мемарандум прадугледжвае абмен інфармацыяй аб арганізацыі і метадах кантрольнай работы, а таксама вопытам рэалізацыі рэкамендацый па выніках кантрольных мерапрыемстваў. Для практычнай рэалізацыі дамоўленасцяў прапанавана распрацаваць план сумесных мерапрыемстваў вышэйшых органаў аўдыту Беларусі і ААЭ на бліжэйшыя гады.
На заканчэнне сустрэчы Васіль Герасімаў і Хумейд Абейд Абушыбс высадзілі дрэва дружбы на алеі КДК у сталічным парку Перамогі. Алея была закладзена ў 2019 годзе да 100-годдзя ўтварэння органаў дзяржаўнага кантролю Беларусі.
