Надзвычайны і Паўнамоцны Пасол Рэспублікі Беларусь Яўген Сабалеўскі 14 студзеня сустрэўся з намеснікам міністра замежных спраў Арабскай Рэспублікі Егіпет па пытаннях шматбаковага эканамічнага супрацоўніцтва Шэрыфам Камелем. Аб гэтым карэспандэнту БелТА паведамілі ў беларускай загранустанове ў Егіпце.
Бакі абмеркавалі прыярытэты дзейнасці Беларусі і Егіпта ў рамках БРІКС, магчымасці выкарыстання пляцоўкі для абмеркавання пытанняў эканамічнага ўзаемадзеяння паміж краінамі-ўдзельніцамі.
На сустрэчы была падкрэслена значнасць ролі БРІКС ва ўмацаванні стабільнасці архітэктуры сусветнага парадку. Суразмоўнікі адзначылі канструктыўнае ўзаемадзеянне Беларусі і Егіпта ў міжнародных арганізацыях, а таксама падабенства пазіцый па пытаннях глабальнага парадку дня.
