Top.Mail.Ru

Беларусь і Грузія абмеркавалі развіццё палітычнага дыялогу і пашырэнне эканамічных сувязяў

Беларусь і Грузія маюць намер інтэнсіфікаваць знешнепалітычныя кантакты. Гэта пытанне абмяркоўвалася на сустрэчы міністра замежных спраў Беларусі Максіма Рыжанкова з першым намеснікам міністра замежных спраў Грузіі Георгіем Зурабашвілі, паведамілі БелТА ў прэс-службе беларускага знешнепалітычнага ведамства.



Бакі абмеркавалі актуальныя пытанні беларуска-грузінскіх адносін, уключаючы развіццё палітычнага дыялогу на ўсіх узроўнях і пашырэнне эканамічных сувязяў. Асаблівую ўвагу субяседнікі ўдзялілі перспектывам інтэнсіфікацыі кантактаў па лініі знешнепалітычных ведамстваў дзвюх краін.

Пытанні двухбаковага парадку дня, уключаючы развіццё гандлёва-эканамічных сувязей і работу міжурадавай беларуска-грузінскай камісіі па эканамічным супрацоўніцтве, больш падрабязна былі разгледжаны на сустрэчы намесніка міністра замежных спраў Беларусі Паўла Уцюпіна з Георгіем Зурабашвілі.

«Дыпламаты пацвердзілі нацэленасць знешнепалітычных ведамстваў дзвюх краін на аказанне садзейнічання далейшаму ўмацаванню беларуска-грузінскага супрацоўніцтва», — адзначылі ў прэс-службе МЗС.

arrow
Нашы выданні

Толькі самае цікавае — па-беларуску!

Напішыце ў рэдакцыю