13 мая ў рамках дня КНР на міжнародным форуме «Ахова здароўя Беларусі — 2026» у Цэнтры экспертыз і выпрабаванняў у ахове здароўя прайшла сустрэча з прадстаўнікамі ТАА «Інвестыцыйная група прамысловасці Міжнароднага пілотнага раёна адкрытага медыцынскага сектара Фанчэнган» і рэзідэнтамі — вытворцамі медыцынскай прадукцыі з Кітая. Аб гэтым паведамляе БелТА.
Як расказалі ў Міністэрстве аховы здароўя, па выніках перагавораў намеснік дырэктара адміністрацыі Міжнароднай медыцынскай адкрытай пілотнай зоны горада Фанчэнган Чжу Чуньянь і дырэктар Цэнтра Дзмітрый Грынько падпісалі мемарандум аб супрацоўніцтве. Бакі дамовіліся развіваць узаемадзеянне ў сферы гарантавання бяспекі, эфектыўнасці і якасці лекавых сродкаў, фармацэўтычных субстанцый і медыцынскіх вырабаў. Сярод напрамкаў супрацоўніцтва — аказанне кансультатыўных і інфармацыйных паслуг, а таксама правядзенне адукацыйнай дзейнасці.
Там таксама дадалі, што ў рамках дня КНР на форуме намеснік міністра аховы здароўя Беларусі Аляксандр Старавойтаў правёў шэраг перагавораў з прадстаўнікамі буйных кітайскіх кампаній медыцынскага профілю.
