Надзвычайны і Паўнамоцны Пасол Рэспублікі Беларусь у Турэцкай Рэспубліцы Анатоль Глаз 27 мая сустрэўся са старшынёй Вышэйшага выбарчага савета Турцыі Ахметам Енерам. Аб гэтым паведамілі ў прэс-службе беларускага знешнепалітычнага ведамства.
Бакі канстатавалі высокі ўзровень прафесійнага ўзаемадзеяння паміж выбарчымі ведамствамі дзвюх краін, абмеркавалі прыярытэтныя напрамкі міжведамаснага супрацоўніцтва, у тым ліку развіццё прававой базы, узгаднілі графік сумесных мерапрыемстваў.
Ахмет Енер пацвердзіў ацэнкі турэцкіх наглядальнікаў аб высокім узроўні арганізацыі і празрыстасці прэзідэнцкай электаральнай кампаніі, якая прайшла ў студзені 2025 года, адзначыў прафесіяналізм беларускіх калег і выказаў зацікаўленасць у абмене вопытам па розных напрамках профільнага супрацоўніцтва.
У час размовы падкрэслена агульная беларуска-турэцкая пазіцыя аб недапушчальнасці ўмяшання пабочных сіл ва ўнутраныя справы дзяржаў, уключаючы выбарчыя працэсы.
