Кампанію беларусу ў фінале склалі весляры з ЗША, Аргенціны, Ганконга, Партугаліі і Венесуэлы. Дыстанцыю ў два кіламетры Карнееў пераадолеў за 7 мін 03,57 сек. і фінішаваў трэцім. У барацьбе за бронзу наш прызёр леташняга чэмпіянату Еўропы ўсяго на 8 сотых секунды апярэдзіў аргенцінца Санціна Меніна. Перамогу атрымаў партугалец Жуан Велазу.

У гэтай жа дысцыпліне ў дзяўчат беларуска Валерыя Шэндэль заняла шостае месца. Першы этап Кубка свету па акадэмічным веславанні ў Севільі завершыцца заўтра. У фінале мужчынскай адзіночкі выступіць медаліст Алімпійскіх гульняў Яўген Залаты.