«Хочам нагадаць, што Беларусь нікому і нічога не забараняла. Ёсць граніца і ўстаноўлены парадак яе перасячэння. У цяперашні час граніца зачыненая па рашэнні літоўскага боку, і менавіта на ёй ляжыць адказнасць за яго адмену. Як толькі Літва адкрые граніцу, усе грузавыя аўтамабілі змогуць вярнуцца дадому ў парадку жывой чаргі», — заявілі ў беларускім знешнепалітычным ведамстве.

«Складваецца ўражанне, што літоўскія ўлады, замест таго каб прадпрымаць канкрэтныя крокі па вырашэнні сітуацыі, якую яны ж і стварылі, аддаюць перавагу ўводзіць у зман уласных перавозчыкаў і кіроўцаў, спрабуючы перакласці адказнасць на беларускі бок», — адзначылі ў МЗС.

Там дадалі, што ў Беларусі спадзяюцца на больш хуткае аднаўленне нармальнай працы граніцы і канструктыўных двухбаковых адносін.