Беларусь прапануе Шры-Ланцы разгледзець навучанне спецыялістаў па многіх спецыяльнасцях. Пра гэта заявіў міністр замежных спраў Беларусі Максім Рыжанкоў па выніках перагавораў з міністрам замежных спраў, працаўладкавання за граніцай і турызму Шры-Ланкі Віджытам Хератам, перадае БелТА.
Кіраўнік МЗС таксама запэўніў у гатоўнасці Беларусі садзейнічаць сацыяльна-эканамічнаму развіццю Шры-Ланкі: «Такая работа ўжо вядзецца — напрыклад, у фармаце падрыхтоўкі ланкійскіх спецыялістаў-медыкаў. У цэлым, хочацца сказаць, што ў цяперашні час амаль 3 тыс. студэнтаў, аспірантаў, спецыялістаў праходзяць навучанне ў нашай краіне. І мы вельмі ганарымся, што ланкійскі бок выбраў менавіта Рэспубліку Беларусь і высока ацэньвае ўзровень нашай адукацыі».
«Мы прапануем нашым партнёрам разгледзець варыянты навучання ў ВНУ Беларусі (спецыялістаў. — Заўв. БелТА) па многіх іншых спецыяльнасцях», — падкрэсліў Максім Рыжанкоў.
