Top.Mail.Ru

Беларусь прапануе Яўрэйскай аўтаномнай вобласці пастаўкі прадукцыі машынабудавання

Беларусь прапануе Яўрэйскай аўтаномнай вобласці пастаўкі прадукцыі машынабудавання, развіццё супрацоўніцтва ў галіне сельскай гаспадаркі і турызму. Пра гэта заявіла намеснік Прэм’ер-міністра Беларусі Наталля Пяткевіч падчас сустрэчы з губернатарам Яўрэйскай аўтаномнай вобласці Расійскай Федэрацыі Марыяй Касцюк, паведамляе БелТА.


«Наш узровень узаемаадносін не адпавядае наяўнаму патэнцыялу. Але ў нас ёсць магчымасць хутка дабіцца прагрэсу», — сказала Наталля Пяткевіч.

Паводле яе слоў, беларускі бок можа многае прапанаваць з пункту гледжання эканомікі, развіцця прамысловасці і сацыяльнай сферы, а таксама турыстычнай індустрыі. У тым ліку гэта датычыцца паставак канкрэтных відаў прадукцыі, перш за ўсё машынабудаўнічай, паколькі ў расійскім рэгіёне займаюцца здабычай карысных выкапняў. Таксама віцэ-прэм’ер прапанавала развіваць супрацоўніцтва ў сферах сельскай гаспадаркі і турызму.

Адказнай за ўзаемаадносіны Беларусі з рэгіёнам службовай асобай прызначаны міністр культуры. «Было б выдатна зняць фільм пра тое, як стваралася ваша аўтаномная вобласць, таму што сваю лепту ўнеслі і нашы грамадзяне — на прыкладзе якой-небудзь беларускай сям’і, — зазначыла Наталля Пяткевіч. — Мне было вельмі цікава пачытаць пра ваш рэгіён, пра вашу гісторыю».

arrow
Нашы выданні

Толькі самае цікавае — па-беларуску!

Напішыце ў рэдакцыю