Top.Mail.Ru

Беларусь прапрацоўвае стварэнне шэрагу зборачных вытворчасцяў у Алжыры

Беларусь прапрацоўвае стварэнне шэрагу зборачных вытворчасцяў у Алжыры, у тым ліку трактароў, камбайнаў, аўтобусаў. Пра гэта заявіў міністр антыманапольнага рэгулявання і гандлю Аляксандр Якоўчыц падчас пасяджэння сумеснай беларуска-алжырскай камісіі па гандлёва-эканамічным і навукова-тэхнічным супрацоўніцтве, перадае БелТА.



«Адным з найбольш перспектыўных кірункаў інтэнсіфікацыі ўзаемадзеяння з’яўляецца стварэнне на тэрыторыі Алжыра зборачных вытворчасцяў беларускай тэхнікі. Гэта асобны, значны, ёмісты блок нашай работы. На сёння мы вядзём прапрацоўку шэрагу асноўных кірункаў. Першае — гэта стварэнне ў Алжыры зборачнай вытворчасці энерганасычаных і гусенічных трактароў МТЗ. Сёння будзе падпісана пагадненне аб рабоце па зборцы камбайнаў з кампаніяй „Гомсельмаш“, — сказаў Аляксандр Якоўчыц. — Кампанія МАЗ прапрацоўвае стварэнне ў Алжыры зборачнай вытворчасці аўтобусаў і грузавой тэхнікі. Кампанія „Амкадор“ гатовая рэалізаваць праект па будаўніцтве ў Алжыры сіласаў для захоўвання збожжа. Таксама сёння мы падпішам пагадненне аб супрацоўніцтве па лакалізацыі вытворчасці дзіцячага харчавання ў Алжыры».


arrow
Нашы выданні

Толькі самае цікавае — па-беларуску!

Напішыце ў рэдакцыю