«Сапраўды, на сённяшнім пасяджэнні савета мяркуецца перадача старшынства ў савеце беларускаму боку», — сказаў Дзмітрый Гара.

Генпракурор адзначыў, што беларускі бок гатовы дзяліцца сваім вопытам. «Наш вопыт запатрабаваны, таму без прытворнай сціпласці скажу, што ў нас даволі нядрэнныя поспехі ў процідзеянні карупцыі. У калег ёсць вялікая зацікаўленасць атрымаць вопыт і практычнай, і работы ў галіне ўдасканалення заканадаўства ў іншых напрамках», — дадаў ён.

У гэтых напрамках, паводле яго слоў, і плануецца працаваць у ходзе старшынства Беларусі.

Як ён падкрэсліў, ва ўсіх краінах СНД ёсць разуменне, што з такім злом, як карупцыя, трэба змагацца. У кожнай дзяржавы свой вопыт, якім трэба дзяліцца. Разам з тым ва ўмовах лічбавізацыі, глабалізацыі трэба выпрацоўваць новыя формы і метады процідзеяння гэтай негатыўнай з’яве.

«У цэлым на прасторы СНД праблема карупцыі застаецца. Таму пытанне на сёння вельмі актуальнае, — адзначыў генпракурор. — Учора ў ходзе рабочых сустрэч канкрэтныя заканадаўчыя ініцыятывы, рэалізаваныя ў Рэспубліцы Беларусь, цікавілі нашых калег. Мы з задавальненнем падзелімся і ў ходзе нашага ўзаемадзеяння, і ў ходзе работы на ўзроўні экспертаў, і, я думаю, у ходзе двухбаковых сустрэч».

На пляцоўцы Выканаўчага камітэта Садружнасці Незалежных Дзяржаў сёння праходзіць XI пасяджэнне Міждзяржаўнага савета па процідзеянні карупцыі. На ім прысутнічаюць кіраўнікі органаў пракуратуры, профільных дзяржаўных органаў краін СНД. У ліку ўдзельнікаў прадстаўнікі Арменіі, Беларусі, Кыргызстана, Казахстана, Узбекістана, Таджыкістана, Расіі. На абмеркаванне вынесена 12 пытанняў.

Дзмітрый Гара звярнуў увагу, што пасяджэнне савета праходзіць у Дзень народнага адзінства, які 17 верасня святкуюць у Беларусі. Ён расказаў, што калегі з краін СНД ад усёй душы павіншавалі беларускі народ з гэтым святам.