У фінальным забегу спрынта класічным стылем на 900 м ён не пакінуў шанцаў сапернікам, пераадолеўшы дыстанцыю за 2:35.4. 

Сярэбраны прызёр, прадстаўнік Германіі Себасцьян Марбургер саступіў пераможцу амаль 3 секунды (+2,7). 

Для беларускай каманды залаты медаль стаў першым на сёлетніх Гульнях у Італіі. 

Варта дадаць, што гэты трыумф зусім не выпадковы. Яшчэ ў студзені Свірыдзенка пацвярджаў свой высокі клас, выйграўшы спрынт на этапе Кубка свету ў Германіі. 

XIV зімовыя Паралімпійскія гульні сабралі сёлета больш за 600 удзельнікаў з 55 дзяржаў. Беларускія спартсмены выступаюць на турніры пад флагам сваёй краіны.