Ад ІТ-сферы да сельскай гаспадаркі: Беларусі ёсць, што прапанаваць катарскаму боку 

Усе выхадныя дэлегацыя знаходзілася з візітаў у Катары — перспектыўнай для нашай краіны кропцы ўваходу на рынак арабскага свету. У суботу, прэм’ер-міністр Беларусі Раман Галоўчанка па запрашэнні катарскага боку сустрэўся ў нефармальнай абстаноўцы з членамі кіруючай сям’і Катара, прадстаўнікамі катарскага бізнесу — буйнымі інвестарамі ў сферы будаўніцтва, энергетыкі, інфармацыйных і тэлекамунікацыйных тэхналогій. 

У час сустрэчы прэм’ер-міністр праінфармаваў прымаючы бок аб развіцці беларускай эканомікі, палітыцы краіны ў сферы інвестыцый, планах па рэалізацыі буйных інвестыцыйных праектаў. Дыялог, які адбыўся, прадэманстраваў жывую цікавасць катарскага бізнесу да Беларусі. 

Таксама ў рамках візіту, прэм’ер-міністр сустрэўся з намеснікам прэм’ер — міністра — дзяржаўным міністрам па справах абароны Катара шэйхам Саудам бен Абдэльрахманам бен Хасан бен Алі аль-Тані. 

Як паведаміла прэс-служба ўрада, сустрэча з віцэ-прэм’ерам Катара прайшла за зачыненымі для СМІ дзвярыма. 

Акрамя гэтага, прайшла сустрэча Рамана Галоўчанкі з прэм’ер-міністрам — міністрам замежных спраў Катара шэйхам Махамедам бен Абдэльрахманам бен Джасэмам аль-Тані. 

— Мы шчыра захапляемся дасягненнямі Катара за апошнія гады, развіццём інфраструктуры, прыёмам вялікай колькасці міжнародных палітычных і спартыўных мерапрыемстваў самага высокага ўзроўню, — падкрэсліў падчас сустрэчы Раман Галоўчанка і дадаў. — Беларусі ёсць, што прапанаваць катарскаму боку. Наша краіна валодае значным ваенна-тэхнічным, прамысловым, навуковым, сельскагаспадарчым патэнцыялам і магчымасцямі паставак харчавання для забеспячэння харчовай бяспекі. 

Ён акцэнтаваў увагу, што ў Беларусі актыўна развіваецца сфера высокіх тэхналогій, не менш актыўна ідуць працэсы цыфравізацыі. 

Раман Галоўчанка канстатаваў, што Катар мае развітую банкаўскую сістэму і гэта самыя відавочныя Сумесныя перспектывы для абедзвюх краін. 

«Кожная краіна — гэта свой квэст, які трэба прайсці»

Падводзячы вынікі афіцыйных візітаў у Уганду і Катар, Прэм’ер-міністр адзначыў: 

— Мы сур’ёзна рыхтуемся да кожнага такога візіту: ці ж-то наш — за мяжу альбо да нас. Стараемся, як цяпер кажуць, кастаізаваць нашы прапановы, ужываючы навуковы падыход. Трэба глыбока ведаць, у чым маюць патрэбу нашы партнёры, якія ў іх магчымасці, прыярытэты, інтарэсы, хто нашы канкурэнты, з кім мы працуем. Гэта значыць фактычна кожная краіна — гэта свой квэст, які трэба прайсці. І для таго каб атрымаць вынік, трэба зрабіць вельмі добрра дамашнюю работу. 

Раман Галоўчанка заўважыў, што візіты ва Уганду і Катар адрозніваліся адзін ад аднаго, бо ў іх былі розныя мэты, задачы і змест: 

— Ва Угандзе тэматыка была абсалютна зразумелая для нас. Мы фактычна прэзентавалі кіраўніцтву краіны ўсе нашы напрацоўкі, прапановы, усталявалі кантакты з тымі людзьмі, якім даручана займацца гэтымі праектамі (іх вывучаць, знаходзіць прымальныя для ўсіх рашэнні). 

З Катарам сітуацыя іншая, канстатаваў Раман Галоўчанка: 

— Гэтая краіна нам вельмі добра знаёмая. Мы многія дзесяцігоддзі тут працуем, паспяхова супрацоўнічаем, вельмі цёплыя адносіны звязваюць і кіраўнікоў краін. Наогул, кожны раз ад любога катарца чую толькі станоўчыя водгукі або ўспаміны пра Беларусь. Але мэта візіту цалкам зразумелая — гэта аднаўленне ранейшага ўзроўню нашых адносін і, напэўна, завяршэнне тых абмеркаванняў, ідэй, напрацовак, якія намі планаваліся раней. 

Падсумоўваючы візіт у Катар, прэм’ер-міністр адзначыў, што гэтая краіна гатовая працаваць з Беларуссю па ўсіх напрамках: 

— Катарскі бок сам нас запрасіў. Цікавасьць да працы з Беларусьсю ёсць. Катарцы — выдатныя дыпламаты. Яны, нягледзячы на тое, што невялікая тэрыторыя, невялікае насельніцтва, сябе вельмі актыўна праяўляюць ва ўрэгуляванні вялікай колькасці рэгіянальных і міжнародных канфліктаў. Таму яны выдатна разумеюць усе рэаліі, не будуюць ілюзій адносна таго, што ж рэальна адбываецца і вакол нашай краіны. 

Прэм’ер-міністр таксама патлумачыў некаторыя асаблівасці перамоў: 

— Многія дамоўленасці абмяркоўваліся за зачыненымі дзвярыма: вялікія грошы любяць цішыню. Цікавасць вельмі вялікая. Нам трэба было актуалізаваць разуменне таго, што адбываецца ў Катары. Мяняюцца запыты, інтарэсы, падыходы. Прыходзяць новыя людзі, якія не вельмі знаёмыя з гісторыяй нашага супрацоўніцтва. Таму ўдалося зрабіць вельмі вялікую працу. 

Па словах Рамана Галоўчанкі, вызначаны задачы для рэалізацыі іх у бліжэйшы час: 

— Сферы традыцыйныя — гэта інвестыцыі і праца па трэціх краінах. І па адным, і па іншым напрамкам у бліжэйшы час будзем вельмі актыўна дзейнічаць. 

Кампетэнтна 

Беларусь і Катар абмяркоўваюць новыя напрамкі для супрацоўніцтва ў ваенна-прамысловым комплексе. 

Пра гэта распавёў старшыня Дзяржаўнага ваенна-прамысловага камітэта Дзмітрый Пантус: 

— На самай справе спектр узаемадзеяння досыць шырокі і новыя напрамкі сёння абмяркоўваюцца. Гэта і навучанне, і сумесныя распрацоўкі. Сёння проста так прадаць той ці іншы прадукт — нічога не значыць. Важны комплексны падыход. І ў гэтым плане мы гатовыя прапанаваць комплекснае рашэнне. 

Дарэчы, Дзяржкамваенпрам знаходзіцца на этапе абмеркавання дэталёвай дарожнай карты па ўзаемадзеянні з катарскім холдынгам «Барзан»: 

— Мы вызначылі ключавыя напрамкі, па якіх мэтазгодна працаваць разам. Я думаю, у бліжэйшы час дарожная карта будзе падпісаная. 

*** 

Ад харчавання да IT-тэхналогій 

Часовы павераны ў справах Беларусі ў Катары Аляксей Малафей паведміў, што Беларусь разлічвае ў разы павялічыць пастаўкі харчавання ў Катар: 

— У нас ёсць некалькі кірункаў, на якіх мы робім фокус: гэта і палітычнае супрацоўніцтва, пашырэнне палітычных кантактаў, якія ў нас вельмі добрыя. 

Што датычыцца эканамічнага супрацоўніцтва, тут таксама ёсць некалькі цікавых і перспектыўных напрамкаў, уключаючы пастаўкі харчавання. 

Беларускія малочныя прадукты, сыры мяккія і цвёрдыя, глазураваныя сыркі, смятана, тварог, рыбныя прадукты — гэта тое, што сёння прадстаўлена ў асноўных гандлёвых сетках Катара.

У той жа час ён адзначыў, што кліматычныя ўмовы не дазваляюць Катару развіваць у дастатковай ступені сельскую гаспадарку, каб забяспечыць сваю харчовую бяспеку, таму Беларусь магла б стаць надзейным партнёрам у гэтым кірунку: 

— Напрыклад, беларускае сухое малако выкарыстоўваецца для вытворчасці катарскага марожанага. 

Наступны перспектыўны напрамак-высокія тэхналогіі: 

— Катар актыўна развіваецца, будуе новыя гарады, праводзіць розныя мерапрыемствы сусветнага ўзроўню. Яны разумеюць, што абмяжоўвацца толькі здабычай энерганосьбітаў недастаткова для развіцця эканомікі. Катар працуе над тым, каб развіваць не нафтавыя і не газавыя сектары эканомікі. Адным з іх з’яўляюцца, вядома, высокія тэхналогіі, IT-тэхналогіі. 

Аляксей Малафей таксама алзначыў, што перспектыўным з’яўляецца і развіццё супрацоўніцтва ў сферы аховы здароўя і навукі: 

— Нашы дасягненні ў медыцыне, у тым ліку для лячэння анкалагічных захворванняў, захворванняў сэрца, могуць быць цікавыя і карысныя Катару. Мы гэта будзем абмяркоўваць. Спадзяемся, што будзе пэўны поспех. 

*** 

Павялічыць у разы пастаўкі харчавання ў Катар 

Такую задачу па выніках візіту ставіць перад ведамствам намеснік міністра сельскай гаспадаркі і харчавання Беларусі Вадзім Шагойка. 

— Краіны Персідскага заліва нам цікавыя з пункту гледжання пастаўкі свайго харчавання, — растлумачыў ён у гутарцы з журналістамі. — Беларусь дасягнула значных вынікаў у вытворчасці прадуктаў харчавання, цалкам забяспечвае ўнутраны рынак і актыўна экспартуе сваю прадукцыю. 

Ён адзначыў, што Беларусь ужо не першы год працуе з гэтым рэгіёнам, пастаўляючы сюды сухія малочныя прадукты: 

— Нам цікава пашырыць асартымент. Мы можам даць усю лінейку «малочкі». Акрамя таго, завяршылі акрэдытацыю на сертыфікат «Халяль» і гатовыя пастаўляць мясную прадукцыю". 

Паводле яго слоў, у Катар ужо пастаўляецца Беларуская натуральнамалочная прадукцыя: 

— Вядома, гэтая партыя яшчэ нязначная, дастаўляецца самалётамі, але гэта ўжо і тварог, і смятана, і сыры ў асартыменце. 
Вадзім Шагойка падкрэсліў, што пастаўкі ў Катар прадуктаў харчавання ў апошнія гады актыўна нарошчваюцца. Так, па выніках 2023 года было каля 600 тысяч долараў, то ўжо па выніках 2024 года — узровень перавысіў адзін мільён долараў.

Паводле яго слоў, ужо ёсць канкрэтныя дамоўленасці на пашырэнне паставак і асартыменту на 2025 год: 

— Таму тут праца вядзецца, і, безумоўна, аб’ёмы экспарту прадуктаў харчавання будуць павялічвацца. Мы ставім задачу павялічваць пастаўкі ў разы.