Беларусь уваходзіць у дзясятку краін з найбольшай колькасцю месцаў, прапанаваных авіяперавозчыкамі пры палётах з Расіі. Такія даныя прывялі ў Асацыяцыі тураператараў Расіі (АТАР), якая аб’ядноўвае профільныя кампаніі з розных рэгіёнаў РФ, паведамляе SB.by.
У АТАР праінфармавалі, што, паводле даных на 21 кастрычніка, у зімовым раскладзе авіякампаній запланаваны прамыя рэйсы з Расіі ў 40 краін і асобных тэрыторый.
— Калі лічыць не колькасць напрамкаў, а колькасць прапанаваных крэслаў, сярод замежных гарадоў лідзіруюць Стамбул, Дубай, Анталья, Ерэван, Ташкент, Пекін, Мінск, Баку, Душанбэ і Пхукет, — гаворыцца ў паведамленні.
Паводле звестак АТАР, у Беларусі доля ў аб’ёме месцаў на міжнародных авіярэйсах з Расіі складае 4–5 працэнтаў.
Зімовы расклад самалётаў на сезон 2026/2027 набудзе моц 25 кастрычніка 2026 года і будзе дзейнічаць па 27 сакавіка 2027 года.
