Удзел у кантынентальным форуме прымаюць весляры з 33 краін, нашу каманду прадстаўляе Дзяніс Ярмоленка. Выступленні ў Румыніі беларус пачаў з папярэдняга заезду на дыстанцыі 1000 метраў у байдарцы-адзіночцы, дзе фінішаваў першым з вынікам 3 мін 37,394 сек., апярэдзіўшы бліжэйшага з праследавацеляў на чатыры з паловай секунды. Дзякуючы перамозе Ярмоленкі наўпрост прабіўся ў фінал, які пройдзе 5 ліпеня.

Акрамя таго, у чацвер, 3 ліпеня, Дзяніс выйграў папярэдні заезд на 500-метроўцы і таксама датэрмінова адабраўся ў гонку за медалі. Беларус паказаў час 1 мін 40,472 сек., абышоўшы атлетаў з Іспаніі, Нарвегіі, Вялікабрытаніі, Латвіі, Грузіі і Румыніі. Фінал у гэтым відзе праграмы запланаваны на нядзелю. На Чэрвеньскім Кубку наймацнейшых спартсменаў па веславанні на байдарках і каноэ ў Заслаўі Дзяніс Ярмоленка заваяваў два асабістыя срэбра.