З прыходам вясны ў Гродне і іншых рэгіёнах краіны пачалі квітнець першыя пралескі. Эколагі нагадваюць: любавацца гэтай прыгажосцю варта толькі здалёк. Зрываць расліны, занесеныя ў Чырвоную кнігу (напрыклад, ветраніцу лясную ці чарамшу), катэгарычна забаронена. Пра гэта паведаміла sb.by.
Як адзначыў намеснік начальніка Гродзенскай гарадской і раённай інспекцыі прыродных рэсурсаў Аляксандр Андрушэвіч, збор рэдкіх кветак наносіць непапраўную шкоду прыродзе: расліны не даюць насення і паступова знікаюць. За парушэнне закона «Аб раслінным свеце» прадугледжаны сур’ёзны штраф — ад 20 да 30 базавых велічынь. Спецыялісты заклікаюць захоўваць прыроду для будучых пакаленняў і рабіць толькі фотаздымкі.
