«Нашы тэхнічныя работы па абнаўленні сістэм, якія ўплывалі на даступнасць аперацый па банкаўскіх картах, завершаны. Перапынкаў у працы сэрвісаў і картачных прадуктаў, запланаваных раней на 28 снежня з 1.00 — да 10.00, не чакаецца. Даступныя ўсе віды плацяжоў, пераводы з карты на карту, зняцце наяўных і праца прылад самаабслугоўвання, Інтэрнэт — і мабільнага банкінгаў», — адзначылі ў банку.

Разам з тым работы працягваюцца. Аперацыі па пагашэнні крэдытнай запазычанасці праз дыстанцыйныя каналы, прылады самаабслугоўвання і аддзяленні банка, а таксама па ўкладных рахунках будуць планава адноўленыя ў панядзелак, 29 снежня.