Беларускія спартсмены заваявалі два медалі на старце этапу Кубка свету сярод юніёраў па кулявой стральбе, паведамілі БелТА ў прэс-службе НАК.
Спаборніцтвы праходзяць у сталіцы Егіпта Каіры. У стральбе з малакалібернага пісталета першае месца заняла беларуска Кацярына Іванова, а яе суайчыннік Арсеній Ліванцоў паказаў трэці вынік у стральбе з малакалібернай вінтоўкі.
Этап Кубка свету прадоўжыцца па 27 красавіка.
