Наша спартсменка паднялася на подыум па выніках спаборніцтваў у стральбе з пнеўматычнага пісталета на 10 м. Несцяровіч набрала 375 ачкоў і заняла другое месца, уступіўшы толькі Эзгінур Цюркмен з Турцыі (378). Тройку лепшых замкнула іспанка Глорыя Санчэз (373).

Узнагарода Аліны стала для беларускай каманды другой на ЕЮАФ у Паўночнай Македоніі, на дзень раней Арсеній Ліванцоў заваяваў бронзу ў стральбе з пнеўматычнай вінтоўкі. Далей 22 ліпеня ў Скоп’і будуць разыграны медалі ў стральбе з вінтоўкі сярод змешаных пар.