У Палацы мастацкай гімнастыкі вызначыліся першыя прызёры міжнароднага турніру на прызы алімпійскай чэмпіёнкі Марыны Лобач, паведамілі БелТА ў прэс-службе Беларускай асацыяцыі гімнастыкі.
Перамогу ў самым прэстыжным відзе праграмы — мнагабор’і ў сеніёрак — атрымала беларуска Дар’я Ткачова, якая за выступленні з чатырма прадметамі атрымала 111,590 бала. Другое і трэцяе месцы занялі нашы Ганна Каменшчыкава (109,380) і Ганна Кандрашына (108,270). Поўнасцю беларускім аказаўся п’едэстал і ў юніёрак: золата заваявала Ксенія Бандарэнка, услед за ёй размясціліся Вера Канапацкая і Марыя Бурак.
Таксама ў суботу былі вызначаны прызёры каманднага турніру, удзел у якім прынялі 20 квартэтаў, названых у гонар вялікіх мастакоў. У склады чацвёрак увайшлі па адной грацыі кожнай узроставай катэгорыі — сеніёркі, юніёркі, прэ-юніёркі і дзеці. Найбольшую суму набралі нашы Дар’я Грохатава, Нэлі Самахавец, Ганна Манулік і расіянка Караліна Пахтусава (каманда Агюста Рэнуара).
18 кастрычніка ў Палацы мастацкай гімнастыцы стануць вядомы медалісткі ў асобных практыкаваннях. Усяго ўдзел у XXII міжнародным турніры на прызы Марыны Лобач прымаюць 100 грацый з сямі краін: Беларусі, Расіі, Малдовы, Казахстана, Кыргызстана, Калумбіі і Мексікі.
