Дэлегацыя Беларусі 20 красавіка ў Маскве на пасяджэнні Савета Парламенцкай асамблеі Арганізацыі Дагавора аб калектыўнай бяспецы прадставіла прыярытэты сваёй дзейнасці на бліжэйшую перспектыву, паведамляе БелТА.
«У цяперашніх няпростых умовах нам жыццёва важна ўмацоўваць саюзніцкія сувязі ў рамках АДКБ. Рэспубліка Беларусь цалкам падтрымлівае заяўленыя Расійскай Федэрацыяй прыярытэты на перыяд старшынства ў АДКБ у бягучым годзе, асабліва выдзяляючы сярод іх кансультацыі дзяржаў — членаў арганізацыі, умацаванне ролі міжпарламенцкага супрацоўніцтва ў забеспячэнні калектыўнай бяспекі», — сказаў старшыня Палаты прадстаўнікоў Нацыянальнага сходу Беларусі Ігар Сергяенка.
