У склад беларускай дэлегацыі ўваходзіць член Пастаяннай камісіі Савета Рэспублікі Нацыянальнага сходу Беларусі па міжнародных справах і нацыянальнай бяспецы Алег Румо.

• Асноўная тэма сесіі — «50-я гадавіна прыняцця Хельсінкскага заключнага акта: пошук адказаў на новыя рэаліі ў АБСЕ».

• Мерапрыемства будзе прысвечана абмеркаванню пытанняў прыняцця парламентамі дзяржаў — удзельніц эфектыўных заканадаўчых мер, накіраваных на ўмацаванне міжнароднага супрацоўніцтва як важнай перадумовы для забеспячэння міру і бяспекі ў рэгіёне АБСЕ.

У адпаведнасці з праграмай мерапрыемства адбудуцца пасяджэнні Пастаяннага камітэта ПА АБСЕ і трох агульных камітэтаў па палітычных пытаннях і бяспецы, па эканамічных пытаннях, навуцы, тэхналогіі і навакольным асяроддзі, па дэмакратыі, правах чалавека і гуманітарных пытаннях, а таксама пленарныя пасяджэнні.

У рамках сесіі запланаваны выступленні Сяргея РАЧКОВА на пасяджэннях, удзел у спрэчках па ключавых пытаннях парадку дня, правядзенне шэрагу сустрэч з парламентарыямі і службовымі асобамі ПА АБСЕ.

Сесія завершыцца прыняццем Партугальскай дэкларацыі, якая змяшчае рэкамендацыі для 57 дзяржаў — удзельніц АБСЕ ў галіне бяспекі, правоў чалавека, а таксама эканамічных і экалагічных пытанняў. На асамблеі таксама выберуць Старшыню ПА АБСЕ, яго намеснікаў, Казначэя і кіруючых службовых асоб камітэтаў.