Беларускі абаронца Ілья Салаўёў, які выступае ў Нацыянальнай хакейнай лізе, змяніў «Каларада» на «Пітсбург», паведамляе БелТА са спасылкай на сацсеткі клубаў.
Па выніках абмену паміж «Пітсбургам» і «Каларада» Салаўёў папоўніў склад «пінгвінаў», а клуб з Дэнвера атрымаў фінскага форварда Валтэры Пуусцінена і выбар у 7-м раўндзе драфта НХЛ 2026 года. На дадзены момант «Пітсбург» ідзе восьмым у табліцы Усходняй канферэнцыі, у той час як ужо былы клуб беларуса з адрывам лідзіруе на Захадзе.
У 16 матчах сезона-2025/26 за «Каларада» Салаўёў набраў 3 (1+2) ачкі. Кар’еру ў Нацыянальнай хакейнай лізе магілёвец пачаў у 2023 годзе ў складзе «Калгары», на дадзены момант Ілья правёў у НХЛ 31 гульню. Таксама ў актыве абаронцы больш за 250 паядынкаў у Амерыканскай хакейнай лізе і 73 (20+53) выніковыя балы.
