Нашу нацыянальную каманду ў Харватыі прадставяць прызёры міжнародных стартаў Сафія Штыхецкая, Ульяна Кузьмянкова і Анастасія Сманцэр, а таксама дэбютанткі буйных турніраў Дзіяна Краўчук і Караліна Феданюк. У спаборніцтвах юніёрак выступяць беларускі Крысціна Галкоўская, Арына Малочка, Алена Жыхарава, Віялета Вазнюк і Мілана Цалабанава.

У першы дзень турніру 13 жніўня вызначацца чэмпіёнкі Еўропы ў асабістым мнагабор’і ў жанчын, фіналы на асобных снарадах адбудуцца ў суботу. 14 жніўня медалістак у самым прэстыжным відзе праграмы выявяць юніёркі, прызёры ў асобных фіналах стануць вядомыя ў нядзелю. Таксама на 16 жніўня запланаваны фінал каманднага першынства ў дарослых спартсменак.

У агульнай складанасці гімнасткі разыграюць 12 камплектаў узнагарод. Па выніках кантынентальнага форуму пуцёўкі на кастрычніцкі чэмпіянат свету ў Нідэрланды атрымаюць 13 найлепшых каманд і яшчэ 25 наймацнейшых жанчын, якія не ўваходзяць у склад адабраных зборных. Чэмпіянат Еўропы 2026 года па спартыўнай гімнастыцы сярод мужчын пройдзе ў Заграбе на наступным тыдні.