Беларускі занялі тры прызавыя месцы па выніках гонкі па ачках на чэмпіянаце Расіі па веласпорце, які праходзіць у Санкт-Пецярбургу, на трэку, паведаміла БелТА.
Перамогу ў гонцы атрымала наша Паліна Конрад, якая набрала 38 ачкоў. Другі вынік (27 балаў) паказала яе суайчынніца Адэліна Сакун, трэцяе месца з сумай 24 ачкі заняла Ксенія Шынкарэнка. Лідар нашай нацыянальнай каманды Ганна Церах замкнула топ-5 (22). У гэтым жа відзе праграмы ў мужчын наш Вячаслаў Шпакоўскі заваяваў бронзу, на пятым радку размясціўся Дзяніс Мазур.
Акрамя таго, у Індыі завяршылася шматдзённая гонка тура Міжнароднага саюза веласіпедыстаў (UCI) Pune Grand Tour, заключны чацвёрты этап якой выйграў наш Аляксей Шнырко. На фінішы беларускі спартсмен апярэдзіў двух прадстаўнікоў Аўстраліі.
