Паводле аператыўных даных на 20 ліпеня, збожжавыя і зернебабовыя культуры (без кукурузы, грэчкі і проса) убраны з 15 працэнтаў плошчаў, што складае 294 тыс. га ад плана 2 млн 2 тыс. га. Намалочана збожжа 1 млн 220 тыс. т, сярэдняя ўраджайнасць — 41,6 ц/га, што на 1,8 ц/га вышэй за аналагічны перыяд мінулага года.

У разрэзе абласцей намалочана: Мінская — 334 тыс. т, Брэсцкая — 280 тыс. т, Гродзенская — 255 тыс. т, Гомельская — 169 тыс. т, Магілёўская — 113 тыс. т, Віцебская — 69 тыс. т.

Азімы рапс на зерне ўбраны на 138 тыс. га (31 працэнт плошчаў ад 441 тыс. га). Намалочана 330 тыс. т ураджайнасцю 23,9 ц/га, што на 1,3 ц/га вышэй за мінулагоднюю.

Выцераблена лёну на 18 тыс. га, што складае 40 працэнтаў запланаваных плошчаў. Церабленне лёну ідзе тэмпамі, якія ў два разы перавышаюць мінулагоднія, дынаміка захоўваецца ўсімі абласцямі.

Скошана траў другім укосам на плошчы 580 тыс. га, што складае 57 працэнтаў ад плана 1 млн 10 тыс. га.

Нарыхтавана сена 387 тыс. т — 54 працэнты ад плана. Сіласу нарыхтавана 327 тыс. т, што складае больш як 1 працэнт ад плана 20 млн 519 тыс. т. Травяных кармоў нарыхтавана 3 млн 202 тыс. т кармавых адзінак, што складае 32 працэнты ад плана 10 млн 131 тыс. т.

Сенажу нарыхтавана 10 млн 411 тыс. т, што складае 73 працэнты ад плана 14 млн 309 тыс. т. У разрэзе абласцей: Мінская — 2 млн 603 тыс. т (74 працэнты ад плана), Брэсцкая — 1 млн 781 тыс. т (59 працэнтаў), Гродзенская — 1 млн 760 тыс. т (65 працэнтаў), Магілёўская — 1 млн 605 тыс. т (97 працэнтаў ад плана), Віцебская — 1 млн 426 тыс. т (75 працэнтаў), Гомельская — 1 млн 236 тыс. т (81 працэнт).

Наяўнасць мінеральных угнаенняў (азотных, фосфарных, калійных) пад азімую сяўбу — 169 тыс. т дзеючага рэчыва, што складае 98 працэнтаў да плана.