Беларускія аграрыі намалацілі амаль 8,3 млн т збожжа, паведамілі ў прэс-службе Міністэрства сельскай гаспадаркі і харчавання.
Паводле аператыўных звестак на 25 жніўня, на палях краіны намалочана 8 млн 292 тыс. т збожжа разам з рапсам.
Уклад у агульны каравай кожнай вобласці: Мінская — 2,096 млн т, Гродзенская — 1,666 млн т, Брэсцкая — 1,663 млн т, Магілёўская — 1,111 млн т, Гомельская — 980 тыс. т, Віцебская — 776 тыс. т.
- Збожжавыя і зернебабовыя культуры без кукурузы ўбраны з 90 % плошчаў, што складае 2,174 тыс. га. Сярэдняя ўраджайнасць збожжа вышэй за леташнюю на 8,5 ц/га.
- Харчовага збожжа пастаўлена ў лік дзяржзаказу 542 тыс. т — 77 % ад плана.
- Пасеяна азімага рапсу на зерне на плошчы 407 тыс. га, або 94 % запланаванага.
- Лён выцераблены на 43 тыс. га, што складае 90 % запланаваных плошчаў.
- Нарыхтавана сена 389 тыс. т — 54 % плана, сенажу — 12 млн 277 тыс. т (88 %), у тым ліку ў палімернай упакоўцы — 400 тыс. т. Травяных кармоў нарыхтавана 3 млн 766 тыс. т — 38 % плана.
- Бульбы ў краіне накапана ўжо больш за 25 тыс. т. Сярэдняя ўраджайнасць вышэйшая за леташнюю на 72,9 ц/га.
