У казахстанскай сталіцы беларуская брыгада на чале з рэферы ФІФА Амінам Кургхелі рассудзіць сустрэчу футбалістаў «Астаны» і малдаўскага «Зімбру». У складзе гаспадароў выступае паўабаронца зборнай Беларусі Макс Эбонг, а ў кішынёўскім клубе пад кіраўніцтвам беларускага галоўнага трэнера Алега Кубарава гуляюць адразу тры беларусы — абаронца Мікалай Золатаў, паўабаронца Цімафей Шаркоўскі і нападаючы Дзяніс Казлоўскі. Галоўным арбітрам паядынку ў Ерэване паміж мясцовым клубам «Арарат-Арменія» і румынскай камандай «Універсітаця Клуж» будзе беларус Дзмітрый Дзмітрыеў.

Акрамя таго, спецыялісты з Беларусі папрацуюць яшчэ на чатырох заўтрашніх сустрэчах Лігі канферэнцый. Алег Чыкун будзе інспектарам гульні ў Баку паміж азербайджанскім «Аразам» і грэчаскім «Арысам», а Аляксей Кульбакоў у Кішынёве праінспектуе работу суддзяў матчу малдаўскага «Петракуба» і азербайджанскага «Сабаха». Аляксандр Алейнік назначаны дэлегатам УЕФА на гульні ў балгарскім Разградзе «Чорна Мора» — «Істанбул Башакшэхір» (Турцыя), а Ілона Варановіч у Нікасіі стане дэлегатам на паядынку кіпрскай «Аманіі» і грузінскага «Тарпеда» з Кутаісі.