Медаль нашай камандзе прынёс першы ж фінал на канале ў Сегедзе. У вырашальным заездзе на 500 м сярод жаночых байдарак-чацвёрак трэцяе месца з рэзультатам 1 мін 30,79 сек занялі Маргарыта Ткачова, Уладзіслава Скрыганава, Іна Саўчук і Надзея Кушнер. Перамогу ў гэтым відзе праграмы атрымалі кітаянкі (1:29,61), якія ўсяго на дзве сотыя секунды апярэдзілі дзяўчат з Іспаніі. Таксама ўдзел у фінале прынялі экіпажы з Венгрыі, Францыі, Славакіі, Польшчы, Германіі і Аўстраліі.

Акрамя таго, у ранішняй сесіі 9 мая адбыўся медальны заезд на 200-метроўцы ў мужчынскай каноэ-адзіночцы, дзе беларус Станіслаў Савельеў фінішаваў пятым. Золата выйграў расіянін Сяргей Свінароў. Днём у суботу пройдуць яшчэ сем фіналаў, у заключны дзень першага этапа Кубка свету, 10 мая, будуць разыграны 11 камплектаў узнагарод.