21 студзеня стала вядома, што дадатковыя ліцэнзіі атрымаюць і Ганна Дзяруга з Настассяй Андрыянавай. Нашы дзяўчаты выступілі на трох этапах Кубка свету, але ні разу не змаглі пераадолець бар'ер кваліфікацыі. Тым не менш набраных ачкоў беларускам хапіла, каб фінішаваць у топ-30 агульнага заліку.
Такім чынам, у галоўным старце чатырохгоддзя прымуць удзел сем нашых спартсменак: акрамя фрыстайлістак, гэта Марына Зуева (канькабежны спорт), Вікторыя Сафонава (фігурнае катанне), Ганна Каралёва (лыжныя гонкі) і Марыя Шканава (гарналыжны спорт).
Зімовыя Алімпійскія гульні 2026 года пройдуць у італьянскіх Мілане і Карціна-д'Ампеца з 6 па 22 лютага.
