У спарынгу на поле нацыянальнага стадыёна ў мястэчку Та-Калі падапечныя Вячаслава Грыгорава выйгралі з сухім лікам 2:0. Абодва мячы былі забітыя ў другой палове сустрэчы — на 54-й хвіліне сустрэчы вызначылася Анастасія Шлапакова, а ў самой канцоўцы Анастасія Шупо з пенальці ўстанавіла канчатковы вынік.

Другая сустрэча беларускіх і мальтыйскіх футбалістак адбудзецца 28 кастрычніка. У рэйтынгу ФІФА жаночая зборная Беларусі займае 50-е месца, Мальта знаходзіцца на 88-й пазіцыі. На 4 лістапада запланавана лёсаванне адборачнага турніру жаночага чэмпіянату свету 2027 года. Зборная Беларусі пачне барацьбу за пропуск на планетарны форум у Бразіліі ў лізе.