Дэбютант еўракубкаў «МЛ Віцебск», які саступіў румынскай «Універсітаце» ў кваліфікацыі Лігі чэмпіёнаў, зарабіў 960 тыс. еўра. Барысаўскі БАТЭ і мінскае «Дынама», якія прабіліся ў другі кваліфікацыйны раўнд Лігі канферэнцый, атрымаюць па 700 тыс. еўра. Барысаўчане адолелі па суме двух паядынкаў Албанскі «Эльбасані», а мінчане ўзялі верх над паўночнамакедонскім клубам «Сілекс», прычым абедзве беларускія каманды вырвалі перамогу ў сустрэчах у адказ у серыях пасляматчавых пенальці. Зараз у агульнай табліцы каэфіцыентаў УЕФА Беларусь займае 45-е месца, набраўшы 7,041 ачка. Калі пасля завяршэння цяперашняга еўракубкавага сезона наша краіна застанецца ў топ-50, то ў двух наступных сезонах будзе прадстаўлена ў кантынентальных турнірах чатырма камандамі.

На наступным тыдні беларускія клубы правядуць стартавыя сустрэчы другога круга кваліфікацыі Лігі канферэнцый. «МЛ Віцебск» 23 ліпеня ў намінальна дамашнім матчы ў венгерскім Мезекевешдэ прыме чарнагорскую «Суцьеску» з Нікшыча. У азербайджанскім Сумгаіце БАТЭ сустрэнецца са швейцарскім «Сьёнам», а ў Баку мінскае «Дынама» будзе сапернічаць з «Нефтчы». Паядынкі ў адказ адбудуцца 30 жніўня.