Дзве кандытарскія фабрыкі Беларусі — «Камунарка» і «Спартак» — атрымалі першыя пробныя партыі какава-бабоў з Венесуэлы, паведаміў старшыня канцэрна «Белдзяржхарчпрам» Алег Жыдкоў у эфіры тэлеканала «Першы інфармацыйны».
«Літаральна на гэтым тыдні мы атрымалі і на „Камунарку“, і на „Спартак“ па 100 тон какава-бабоў дастаткова добрай якасці», — сказаў ён.
На яго думку, «дружалюбная рыторыка» з боку Венесуэлы можа прывесці да больш нізкай цаны, чым прапануюць афрыканскія пастаўшчыкі — на 15-20% танней.
Восенню мінулага года Белдзяржхарчпрам паведамляў аб росце сабекошту шакаладу. Пры гэтым цэны на ўнутраным рынку ўдавалася стрымліваць за кошт экспарту і іншых рэзерваў.
У сярэднім за 2024 год цана на шакалад, як імпартны, так і беларускі, вырасла прыкладна на 24%.
Фота: pixabay.com
