Пацыент у гэты час ляжаў на аперацыйным стале ў Аларскай бальніцы Сіньцзянскага вытворчага і будаўнічага корпуса (філіял бальніцы Шао Іфу) медыцынскага каледжа Чжэцзян універсітэта.

Хірургічную брыгаду ў Мінску ўзначалілі дырэктар МНПЦ, сенатар, доктар медыцынскіх навук, прафесар, акадэмік НАН Алег Румо і прафесар Лі Чжэюн.

Умяшанне выканалі праз рабатызаваны комплекс Medbot, які выкарыстоўваецца ў вядучых шпіталях для анкаўралогіі, анкахірургіі і аперацый на печані і падстраўнікавай залозе. Каб асвоіць яго, некалькі брыгад беларускіх спецыялістаў праходзілі стажыроўку ў Кітаі.

Алег Румо назваў гэту аперацыю першым крокам у засваенні анлайн-тэхналогій пры хірургічных умяшаннях. Ключавую ролю адыгралі якаснае абсталяванне і вывераная тэлекамунікацыйная інфраструктура, якая забяспечвае стабільную перадачу даных у рэальным часе.

Такія аперацыі плануюць развіваць па ўсёй Беларусі: хірургі будуць знаходзіцца ў сталічным цэнтры, а пацыенты — у рэгіянальных аперацыйных, дзе ўстаноўлены падобныя робаты. У найбліжэйшы час пройдзе сумесная аперацыя з Мінскай абласной клінічнай бальніцай.

«Мы ўпэўненыя, што каманды на месцах кваліфікаваныя і ў выпадку пазаштатных сітуацый яны ўмяшаюцца. Пры гэтым кантроль за якасцю аперацый, выкананне самых складаных этапаў будзе тут, у Мінску, на базе нашага цэнтра. Выкарыстоўваючы гэтыя тэхналогіі, мы плануем праводзіць навучанне ў рэгіёнах Беларусі», — падзяліўся планамі Алег Румо.