«Наш інстытут займаецца распрацоўкай лекавых субстанцый і лекавых прэпаратаў на іх аснове рознага тэрапеўтычнага прызначэння. У цяперашні час у працы два арыгінальныя прэпараты, аналагаў якіх не існуе сёння. Мы дайшлі да стадыі клінічных выпрабаванняў. Адзін з іх — прэпарат на аснове цыклапептыду, які падчас даклінічных выпрабаванняў паказаў высокую эфектыўнасць супраць рака лёгкіх. Мы ўскладаем велізарныя надзеі на гэты прэпарат, чакаем, што клінічныя выпрабаванні пакажуць добрыя вынікі», — сказала Таццяна Невар.

Яшчэ адзін важны напрамак — распрацоўка прэпаратаў геннай тэрапіі. Наборы для ДНК-дыягностыкі знайшлі прымяненне ў перыяд пандэміі COVID. «Цяпер у гэтай галіне вядуцца паглыбленыя работы. Рэалізуецца вялікі праект па распрацоўцы лекавых прэпаратаў, накіраваных на барацьбу з цяжкімі генетычнымі захворваннямі. У іх ліку прэпарат для лячэння мукавісцыдозу — цяжкага генетычнага захворвання, якое забірае жыцці дзесяткаў маленькіх дзяцей, а курс тэрапіі каштуе некалькі дзясяткаў мільёнаў долараў. Мы не спынімся толькі на мукавісцыдозе, у нас велізарныя планы. Думаю, з часам такія прэпараты ўдасца выпускаць у дастатковых маштабах, каб не толькі забяспечваць патрэбы нашай рэспублікі, але і выходзіць на экспарт», — адзначыла навукоўка.