На спаборніцтвах выступілі чацвёра беларускіх лыжнікаў, якія былі прадстаўлены ў чатырох відах праграмы. Абодва медалі нашай камандзе прынёс раман Свірыдзенка, які заваяваў золата ў спрынце і серабро ў класічнай індывідуальнай гонцы на 10 км сярод стаячых атлетаў з паражэннямі канечнасцяў. Таксама 21-гадовы спартсмен заняў 14-е месца ў гонцы паасобнага старту на 20 км.

У змешанай эстафеце нашы лыжнікі фінішавалі дзявятымі. Вынікі выступленняў беларусаў у асабістых дысцыплінах выглядаюць наступным чынам:

Дар’я Фядзьковіч (LW2 — LW9): спрынт - 14-е месца, 10 км - 10-е месца, 20 км - 12-е месца;

Лідзія Лобан (LW10 — LW12): спрынт - 7-е месца, 10 км - 11-е месца, 20 км - 8-е месца;

Валянціна Бірыла (LW10-LW12): спрынт — 12-е месца, 10 км — 14-е месца, 20 км — 13-е месца.

Усяго ўдзел у XIV зімовых Паралімпійскіх гульнях прынялі больш за 600 спартсменаў з 55 краін, якія разыгралі 79 камплектаў узнагарод у шасці відах спорту. Лепшы вынік у медальным заліку паказалі прадстаўнікі Кітая. Цырымонія закрыцця Паралімпіяды стартуе ў Карціна-д’Ампеца сёння ў 22.30 па мінскім часе.