Трэці і заключны этап прыняла Барселона. У апошні дзень турніру, 31 мая, скарбонка беларускай каманды папоўнілася на дзве сярэбраныя ўзнагароды, якія прынеслі лідары айчыннага плавання брасам. Ілья Шымановіч заняў другое месца на дыстанцыі 100 м, а Аліна Змушко стала другой на 200-метроўцы. За крок ад медалёў сёння спыніліся Настасся Куляшова і Рыгор Пякарскі.

На дзень раней нашы плыўцы падымаліся на п’едэстал тройчы. Увогуле з трох этапаў беларусы прывязуць на радзіму дзесяць узнагарод: па пяць сярэбраных і бронзавых. З кожным этапам нашы спартсмены паляпшалі рэзультат: у Манака 23-24 мая быў здабыты адзін медаль, у Францыі 27-28 мая — чатыры.

Часцей за ўсіх з беларускіх спартсменаў рэзультаты ў топ-3 паказвала Куляшова (0-2-2), трохразовым прызёрам стаў Шымановіч (0-1-2), двойчы ў тройку трапляла Змушко (0-1-1), яшчэ адно серабро здабыў Пякарскі. Таксама нашу каманду на міжнароднай серыі па плаванні Mare Nostrum у 2026 годзе прадстаўлялі Настасся Шкурдай і Уладзімір Мамекін.