З 13 па 15 мая беларускія вытворцы прадстаўляюць прадукцыю ў рамках выстаўкі і канферэнцыі «Нафта і газ Узбекістана — OGU 2025», якая праходзіць у Ташкенце. OGU 2025 з’яўляецца ключавой падзеяй для прадстаўнікоў нафтагазавай індустрыі, пляцоўкай для абмену вопытам экспертаў паліўна-энергетычнага комплексу. Выстаўка аб’яднала экспанентаў з 20 краін, у тым ліку экспертную супольнасць з Расіі, Кітая, Японіі, ААЭ і прадстаўнікоў Еўрапейскага саюза.

У складзе беларускай экспазіцыі — вядучыя прадпрыемствы нафтахімічнай галіны. Нафтаперапрацоўку і вытворчасць нафтапрадуктаў прадстаўляюць ААТ «Нафтан», ААТ «Мазырскі НПЗ». Прадукцыю на аснове поліаміду-6 (ПА-6) прэзентуе філіял «Завод Хімвалакно» ААТ «Гродна Азот».

У рамках «Нафта і газ Узбекістана — OGU 2025» пры ўдзеле беларускага боку запланаваны двухбаковыя сустрэчы з прадстаўнікамі замежных прадпрыемстваў і кампаній, а таксама тэматычныя круглыя сталы і дзелавыя мерапрыемствы па пашырэнні пунктаў узаемадзеяння і супрацоўніцтва.