На спаборніцтвах па мастацкай гімнастыцы ў Эсэне лідар нашай зборнай Гарнасько заваявала чатыры медалі — золата ў мнагабор’і і ў практыкаванні з булавамі, а таксама серабро ў праграмах з мячом і стужкай. Салас стала бронзавым прызёрам у кампазіцыі з булавамі. 

На аўтавакзале «Цэнтральны» членаў нацыянальнай каманды сустрэлі супрацоўнікі Беларускай асацыяцыі студэнцкага спорту і Рэспубліканскага цэнтра фізічнага выхавання і спорту навучэнцаў і студэнтаў, у тым ліку дырэктар Віталь Стрыгельскі.

«Праз адхіленне мы чатыры гады не бралі ўдзел ва Універсіядзе. Так што атрыманне запрашэння ў сакавіку аказалася для нас прыемнай нечаканасцю. Мы сфармавалі каманду для ўдзелу ў сямі відах спорту, але па прычыне вялікага наплыву атлетаў з усяго свету аргкамітэт абмежаваў нашу квоту да 10 спартсменаў. У выніку мы падалі заяўку ў Міжнародную федэрацыю ўніверсітэцкага спорту, але з нейкай прычыны аргкамітэт не накіраваў адпаведны ліст у пасольства Германіі ў Мінску, праз што нашы рабяты не атрымалі візы, — сказаў Стрыгельскі. — Таму на Універсіяду адправілася каманда мастацкай гімнастыкі, бо ў іх былі візы. Аліна і Анастасія ўжо скончылі навучанне ў БДУФК, але браць удзел ва Універсіядзе можна і на працягу года пасля выпуску».