На XXIV Міжнародным фестывалі спартыўнага кіно, які праходзіў з 23 па 28 кастрычніка ў Маскве, беларускі фільм «Пераломны момант» кінастудыі «Беларусьфільм» перамог у намінацыі «Найлепшы ігравы поўнаметражны фільм». Пра гэта паведамілі на Нацыянальнай кінастудыі «Беларусьфільм».
Фільм пра юнага спартсмена высока ацанілі і беларускія гледачы. Ён выйшаў на экраны летась. Над карцінай працавалі каля 60 чалавек: акцёры, аператары, грымёры, спецыялісты па гуку і святле. Рэжысёр — Дзмітрый Сарока.
Галоўны герой фільма Арцём Савічаў — юны чэмпіён па веславанні. Яго кар’ера рэзка змяняецца пасля таго, як ламаецца лодка і ён з ганьбай правальваецца на вачах ва ўсёй школы. Але траўма нагі, насмешкі былых сяброў і здрада дзяўчыны — толькі пачатак яго падзення. Новы трэнер выганяе яго са зборнай, і хлопец становіцца ізгоем. Аднак ён знаходзіць выйсце. Разам з маўклівым асілкам Сцёпам, жартаўніком Ярыкам і «батанікам» Мікітам, пад кіраўніцтвам старога трэнера Івана Аляксеевіча і яго дасціпнай, але чуллівай унучкі Насці, ён пачынае шлях да пераадолення сябе.
