Сёння ў сваім другім паядынку папярэдняй групы У беларусы адолелі зборную Аўстраліі — 3:2. У матчы стартавага тура падапечныя Аляксандра Чэрніка разграмілі замбійцаў з вынікам 4:0 (галы забілі: Дзмітрый Шуманскі — 2, Уладзіслаў Сялюк, Сяргей Сініцкі), аўстралійцы з лікам 1:3 саступілі камандзе Саудаўскай Аравіі, якая сёння атрымала валявую вікторыю над Замбіяй — 5:4. Заўтра ў заключным матчы папярэдняга этапа беларуская зборная будзе сапернічаць з аравійцамі. Палажэнне каманд пасля двух гульнявых дзён: Беларусь — 6 ачкоў, Саудаўская Аравія — 6, Замбія — 0, Аўстралія — 0.

У першай гульні групы А каманда Тайланда з лікам 3:0 абгуляла сапернікаў з Кітайскага Тайбэя, чыя каманда сёння сустрэнецца са зборнай Новай Зеландыі. Пасля завяршэння першага этапа ў паўфінал выйдуць па дзве лепшыя каманды з кожнай групы. Матчы за выхад у фінал адбудуцца 2 жніўня, а рашаючы паядынак за першае месца і сустрэча за бронзу пройдуць 3 жніўня.

Для беларускай каманды гэтыя спаборніцтвы — першы этап падрыхтоўкі да фінальнага турніру 12-га чэмпіянату Еўропы, які пройдзе ў пачатку 2026 года на арэнах Літвы, Латвіі і Славеніі.