Мерапрыемства праходзіць на тэрыторыі Сібірскага федэральнага ўніверсітэта. Каардынатарам алімпіяды ад беларускага боку выступае Дэпартамент фінансавага маніторынгу КДК. 

Сёлета фіналістамі алімпіяды сталі каля 600 школьнікаў і студэнтаў з 40 краін. Нашу краіну прадстаўляюць 10 студэнтаў з БДУ, БДЭУ, Акадэміі нацыянальнай бяспекі. Гэтыя ВНУ ўваходзяць у Міжнародны сеткавы інстытут (МСІ) у сферы процідзеяння легалізацыі (адмыванню) даходаў, атрыманых злачынным шляхам, і фінансаванню тэрарызму.

Праграма фінальнага этапу алімпіяды ўключае звыш 100 мерапрыемстваў прафесійнага, адукацыйнага, спартыўнага і духоўна-маральнага кірункаў. У рамках алімпіяднага тыдня таксама адбудуцца пасяджэнне Савета МСІ, круглы стол з прадстаўнікамі Еўразійскай групы па процідзеянні легалізацыі злачынных даходаў і фінансаванню тэрарызму. 

Пераможцы і прызёры алімпіяды стануць вядомыя 3 кастрычніка.